Nike Krishtianu Ronalduning Saudiyadagi muvaffaqiyatiga munosabat bildirdi

 22 MAY, 2026, 11:00

Amerikaning sport ekipirovkalari ishlab chiqaruvchi Nike kompaniyasi o'z ijtimoiy tarmoqlari orqali «An-Nasr» klubining 41 yoshli markaziy hujumchisi Krishtianu Ronalduni Saudiya Arabistoni chempionligini qo'lga kiritgani bilan tabrikladi.

«Ronaldu qaerda bo'lmasin, titullar uni ta'qib qiladi», — deyiladi Nike nashr qilgan postda.

Ta'kidlab o'tish joizki, tajribali portugaliyalik to'purar Saudiya jamoasi safidagi o'zining ilk sovrinini qo'lga kiritdi. Yakuniga etgan Saudiya Arabistoni chempionati bahslarida Krishtianu 30 ta uchrashuvda maydonga tushdi.

«Oltin to'p»ning besh karra sohibi o'z hisobiga 28 ta gol (6 tasi penaltidan) va 2 ta golli uzatmani yozdirib qo'yishga muvaffaq bo'ldi.