«Inter» Oblak transferiga kirishmoqda

 22 MAY, 2026, 10:06

Madridning «Atletiko» klubi darvozaboni Yan Oblak faoliyatini A Seriyada davom ettirishi mumkin.

33 yoshli futbolchiga Milanning «Inter» klubi da'vogarlik qilmoqda. Jurnalist Ekrem Konurning malumotiga ko'ra, «neradzurrilar» sloveniyalik posbonni darvoza chizig'i uchun asosiy transfer maqsadi sifatida belgilab olgan. Italiya chempionlari shartnomasi shu iyun oyi oxirida yakuniga etadigan Yann Zommerga o'rinbosar izlamoqda.

«Transfermarkt» portali bahosiga ko'ra, Yan Oblakning bozor qiymati 17 million evroni tashkil etadi. Darvozabonning amaldagi mehnat shartnomasi 2028 yilning yozigacha mo'ljallangan. O'tgan yillarda «matraschilar» yulduziga bo'lgan qiziqish ko'pincha Angliya Premer-ligasi grandlariga nisbat berilar edi.