Kazemiro APLning so'nggi turidan keyin yangi jamoasi bilan shartnoma imzolaydi

 21 MAY, 2026, 06:48

Yarim himoyachi Kazemiro «Manchester Yunayted» bilan shartnomasi yakunlanganidan so'ng «Inter Mayami»ga o'tmoqchi, deya xabar bermoqda insayder Fabritsio Romano.

Manbaning ma'lumotlariga ko'ra, 34 yoshli braziliyalik futbolchi APLning so'nggi — 38-turidan o'rin olgan «Brayton»ga qarshi o'yindan keyin Amerika klubi bilan shartnoma imzolash niyatida. Ushbu uchrashuv 24 may kuni bo'lib o'tadi va Toshkent vaqti bilan soat 20:00 da boshlanadi.

Kazemiro Manchester klubi sharafini 2022 yildan beri himoya qilib kelmoqda. Joriy mavsumda yarim himoyachi barcha turnirlarda 35 ta uchrashuvda maydonga tushib, 9 ta gol urdi va 2 ta golli uzatmani amalga oshirdi. Uning «Manchester Yunayted» bilan amaldagi bitimi 2026 yilning iyun oyi oxirigacha mo'ljallangan. Transfermarkt portali futbolchining transfer bahosini 8 million evroga baholamoqda.

Kazemiro faoliyati davomida avvalroq «Real», «Portu» va «San-Paulu» klublarida ham to'p surgan.