Entso Mareska «Manchester Siti»da transferlar va mavsumoldi rejasini tayyorlamoqda — The Athletic

 20 MAY, 2026, 23:12

Murabbiy Entso Mareska "Manchester Siti"da bo'lajak transfer siyosati va mavsumoldi tayyorgarlik rejasini ishlab chiqishni boshlagani xabar qilinmoqda. U kelgusi mavsumda jamoa bosh murabbiyi sifatida Xosep Gvardiolani almashtirishi kutilmoqda. Bu haqda The Athletic nashri ma'lum qildi.

Manbalarga ko'ra, Mareska klubning sport direktori Ugo Viana bilan hamkorlikda yangi mavsumga tayyorgarlikni faol olib bormoqda. U yangi jamoa qurish strategiyalari ustida ishlamoqda va bosh murabbiy lavozimiga tayyorgarlik ko'rmoqda.

Mareska o'zining "Chelsi"dagi yagona to'liq mavsumida UEFA Konferentsiyalar ligasi va 2025 yilgi klublar o'rtasidagi jahon chempionatida g'olib chiqqan, shuningdek jamoani UEFA Chempionlar ligasiga olib chiqqan.

"Manchester Siti"ni Xosep Gvardiola qo'l ostida 20 ta sovrin, jumladan Angliya Liga kubogi va Angliya kubogi ham qo'lga kiritilgan. Insayderlar ma'lumotiga ko'ra, Gvardiolaning so'nggi o'yini 24 may kuni "Aston Villa"ga qarshi "Etixad" stadionida bo'lib o'tadi.