«Manchester Yunayted» grandlar nishonida bo'lgan Dalot bo'yicha bir qarorga keldi

 20 MAY, 2026, 18:36

«Manchester Yunayted» o'z tarkibida himoyachi Diogu Dalotni saqlab qolmoqchi. Jurnalist Grem Beylining ma'lumotlariga ko'ra, «qizil iblislar» portugaliyalik futbolchining amaldagi shartnomasi 2028 yilning 30 iyuniga qadar mo'ljallanganiga qaramay, unga yaxshilangan shartlardagi yangi uzoq muddatli shartnoma taklif qilishga tayyor.

«Manchester Yunayted» bosh murabbiyi Maykl Kerrik klub rahbariyatiga Dalotni sotish imkoniyatini umuman ko'rib chiqmayotganini aniq tushuntirgan. Himoyachini o'z safiga qo'shib olishga «Real», «Barselona» va «Bavariya» qiziqish bildirmoqda, biroq Karrik Diogu Dalotni «Old Trafford»dagi uzoq muddatli rejalarining muhim qismi deb hisoblaydi.