«Bornmut» APLning eng uzoq davom etayotgan seriyasi sohibi bo'lib turibdi

 20 MAY, 2026, 09:36

Angliyaning «Bornmut» klubi «Manchester Siti» ustidan qozoniladigan g'alabaga juda yaqin kelgandi, biroq hakam tomonidan qo'shib berilgan vaqtda gol o'tkazib yubordi va uch ochko o'rniga atigi bir ochko bilan kifoyalandi. Shunga qaramay, Andoni Iraola shogirdlari o'zlarining aql bovar qilmas seriyasini uzaytirishdi — ular APLda ketma-ket 17 ta o'yindan beri mag'lubiyat nimaligini bilishmayapti!

Bu hozirgi vaqtda Angliya futboli yuqori divizionidagi davom etayotgan eng uzoq seriya va klub tarixidagi eng yaxshi ko'rsatkichdir. Shuningdek, joriy mavsumdagi muvaffaqiyatlar klubga keyingi mavsum uchun evrokuboklarga yo'llanma taqdim etganini ham qayd etish lozim. Bunday voqea ham «giloslar» tarixida ilk bor yuz bermoqda. APLning so'nggi turida ular «Nottingem Forest»ga qarshi maydonga tushishadi.