O'zbekiston U-20 terma jamoasi — CAFA U-20 chempioni!

 19 MAY, 2026, 23:00

Tojikistonda bo'lib o'tgan “CAFA U-20 Championship” turnirida Jamoliddin Rahmatullaev boshchiligidagi terma jamoamiz bosh sovrinni qo'lga kiritdi.

Turnir davomida futbolchilarimiz barcha uchrashuvlarda g'alaba qozonib, birorta ham gol o'tkazib yubormadi va 12 ochko jamg'argan holda musobaqa g'olibiga aylandi.

Musobaqa yakuniga ko'ra O'zbekiston U-20 terma jamoasi “Fair Play” sovrinini qo'lga kiritdi. Shuningdek, musobaqaning eng yaxshi darvozaboni — Nematulloh Rustamjonov, eng yaxshi futbolchisi — Azizbek To'lqinbekov hamda musobaqa to'purari sifatida Quvonchbek Abraev e'tirof etildi.