Mauritsio Sarri «Napoli»ga qaytishga tayyor: Nikolo Skira shartnoma tafsilotlarini oshkor qildi

 19 MAY, 2026, 17:54

«Latsio» bosh murabbiyi Mauritsio Sarri «Napoli» jamoasini boshqarishga tayyor ekanligini bildirdi. Bu haqda insayder Nikolo Skira xabar bermoqda.

Manbaning ma'lumotlariga ko'ra, 67 yoshli mutaxassis neapolliklar bilan 2028 yilgacha mo'ljallangan mehnat shartnomasini imzolashi mumkin. Agar kelishuv amalga oshsa, Sarrining klubdagi yillik ish haqi 2,8 million evroni tashkil qiladi, bunga qo'shimcha ravishda bonus to'lovlari ham ko'zda tutilgan. Yakuniy qarorni qabul qilish klub prezidenti Aurelio De Laurentisga bog'liq bo'lib turibdi.

Italiya A Seriyasining 37-turidan so'ng «Napoli» turnir jadvalida 73 ochko bilan ikkinchi o'rinda bormoqda. Jamoaning peshqadam «Inter»dan orqada qolishi 13 ochkoni tashkil etadi.