Ispaniya klublari telehuquqlardan bir mavsumda qancha ishlab topishi ma'lum bo'ldi

 19 MAY, 2026, 14:30

Ispaniya chempionatining yakuniy turida kurash nafaqat evrokuboklar va ligada jon saqlab qolish, balki teletranslyatsiya huquqlaridan keladigan millionlab evrolar uchun ham kechadi. Marca portali jadvaldagi egallangan o'ringa qarab jamoalarga tegadigan taxminiy summalarni hisoblab chiqdi. Hisob-kitoblar uchun so'nggi rasmiy ma'lumotlar asos qilib olingan.

«Barselona» allaqachon chempionlikni qo'lga kiritdi va u eng katta ulush — 54,9 million evro oladi. Ikkinchi o'rinda marraga etib keladigan «Real»ga taxminan 48,4 million evro ajratiladi. Uchinchi o'rin va qariyb 42 million evro uchun esa «Atletiko» va «Vilyarreal» o'zaro kurash olib boradi.

Boshqa o'rinlar uchun to'lovlar quyidagicha:

4-o'rin — 35,53 million evro

5-o'rin — 29,07 million evro

6-o'rin — 22,61 million evro

7-o'rin — 16,15 million evro

8-o'rin — 11,30 million evro

Bundan pastki o'rinlarni egallagan jamoalar 9 milliondan 800 ming evrogacha mablag' ishlab topadilar.

To'lovlar klublarga darhol berilmaydi: summa ma'lum bir sxema bo'yicha 5 ta mavsumga taqsimlanadi. Shunday qilib, teleko'rsatuvlardan keladigan daromadlar nafaqat joriy natijaga, balki klubning o'tgan yillardagi barqarorligiga ham bog'liq bo'ladi.