Daniel Karvaxal «Real»dan ketayotganiga munosabat bildirdi

 19 MAY, 2026, 11:54

Madridning «Real» klubi qanot himoyachisi Daniel Karvaxal ijtimoiy tarmoqlar orqali «qirollik klubi»dan ketayotganiga munosabat bildirdi. Futbolchi jamoani erkin agent maqomida tark etadi.

«Men jamoani to'lqinlangan qalb va faxr tuyg'usi bilan tark etmoqdaman. Qo'limdan kelgan barcha narsani ushbu jamoaga berdim», – deyiladi futbolchining xabarida.

34 yoshli himoyachi «qirollik klubi» safida 2013 yilning yozidan buyon to'p surib kelayotgan edi. Tomonlar o'rtasidagi mehnat shartnomasi 2026 yilning iyun oyi oxirida yakuniga etadi. Karvaxalning bozor qiymati 6 million evroga baholanmoqda. La Liganing 2025/2026 yilgi mavsumida himoyachi 16 ta uchrashuvda maydonga tushdi va samarali harakatlar bilan yodda qolmadi.