Engil atletikachilarimiz sakrash turlari bo'yicha ilk Osiyo chempionatida qatnashadi

 18 MAY, 2026, 13:48

Bugun Xitoyning CHunsin shahrida ilk marotaba tashkil etilayotgan engil atletikaning sakrash turlari bo'yicha Osiyo chempionati start oladi.

Mazkur qita birinchiligida balandlikka sakrash, uzunlikka sakrash, uch hatlab sakrash va langarcho'p bilan sakrash bo'yicha Osiyoning eng kuchli atletlari bir nuqtada jam bo'ladi hamda ilk sovrindorlar sifatida tarixda qolish uchun bor imkoniyatlarini ishga soladi.

O'zbekiston terma jamoasi tarkibida 7 nafar mamlakatimizning o'z yo'nalishida eng ilg'or sakrovchilari 3 nafar murabbiylar boshchiligida g'oliblik uchun bahslarga kirishadi. 

Tarkibimiz quyidagicha:

Barnoxon Sayfullaeva — balandlikka sakrash

Anvar Anvarov — uzunlikka sakrash

Roksana Xudoyarova — uch hatlab sakrash

Ibrohim Maxkamov — uch hatlab sakrash

Ixtiyor Axmadjanov — uch hatlab sakrash

Azizjon Sobirov — uzunlikka sakrash

Xushnoza SHavkatova — uzunlikka sakrash.

Manba: olamsport.com