"Surxon" — "Paxtakor" uchrashuvi stadiondagi muammolar tufayli Toshkentga ko'chirildi

 17 MAY, 2026, 17:00

O'zbekiston kubogining "G" guruhi 2-turidan o'rin olgan "Surxon" hamda "Paxtakor" jamoalari o'rtasidagi bahs oldidan o'zgarish yuz berdi. Aslida ushbu to'qnashuv Surxondaryo viloyati, Termiz shahridagi "Surxon Arena" stadionida bo'lib o'tishi belgilangan edi.

Biroq, Termizdagi stadion maydoni chimi va umumiy funktsional holati qoniqarsiz ahvolga kelib qolgan. Ayni damda u erda maydon maysasini parvarishlash va tiklash ishlari olib borilmoqda. Shu sababli, har ikki klub — "Surxon" va "Paxtakor" professional futbol klublari rahbariyati o'zaro kelishuvga erishdi.

Ushbu kelishuvga ko'ra, mazkur uchrashuv Toshkent shahridagi "Paxtakor" markaziy stadionida o'tkaziladigan bo'ldi.