«Bavariya» rahbari 58 ta gol urgan Keyn bilan yangi shartnoma imzolash rejasi haqida gapirdi

 17 MAY, 2026, 12:24

«Bavariya» bosh direktori Yan-Kristian Drizen hujumchi Xarri Keyn haqida o'z fikrlarini bildirdi. Ma'lumki, Myunxen klubi ingliz futbolchisi bilan shartnoma muddatini uzaytirishni istamoqda. Amaldagi kelishuv keyingi yilning yozida yakuniga etadi va forvardning nomi Premer-ligaga qaytish bilan bog'liq mish-mishlarda tilga olinishda davom etmoqda.

«Xarrining agenti — uning akasi. Uning otasi ham ishlarni yuritishda yordam beradi. Biz ular bilan yaxshi munosabatdamiz. Xarri va uning oilasi Myunxenda o'zlarini juda qulay his qilishmoqda. Umid qilamanki, biz keyingi mavsumdan keyin ham hamkorlikni davom ettiramiz», — deya Drizenning intervyusidan iqtibos keltiradi Bayern & Germany nashri.

Eslatib o'tamiz, Keyn yakuniga etgan Bundesliga mavsumida 36 ta gol bilan eng yaxshi to'purarga aylandi. Umumiy hisobda esa 32 yoshli futbolchi joriy mavsumda Vensan Kompani jamoasi safida 50 ta uchrashuvda maydonga tushib, 58 ta gol urishga muvaffaq bo'ldi.