«Liverpul» rahbariyati Isakning kelajagi bo'yicha bir qarorga keldi

 17 MAY, 2026, 11:42

«Liverpul» rahbariyati jamoaning shvetsiyalik hujumchisi Aleksandr Isak borasidagi rejalarini belgilab oldi. iNews jurnalistlariga ma'lum bo'lishicha, skandinaviyalik forvard keyingi mavsumda ham mersisaydliklar grandida qoladi.

Joriy mavsumda Isak o'zini yorqin ko'rsata olmadi va 22 ta uchrashuvda atigi 4 ta gol urdi. Eslatib o'tamiz, Aleksandr o'tgan yilning yozida «Nyukasl»dan «qizillar» lageriga ko'chib o'tgan edi. Uning transferi uchun «Liverpul» 145 million evro to'lagan. Bugungi holatga ko'ra, Arne Slot shogirdlari 59 ochko bilan Angliya Premer-ligasi turnir jadvalida beshinchi o'rinni egallab turishibdi.