Keyn «Bavariya»dan ketishga va «Barselona» futbolchisiga aylanishga qaror qildi

 17 MAY, 2026, 11:42

Angliya milliy terma jamoasi va Myunxenning «Bavariya» klubi markaziy hujumchisi Xarri Keyn klubini o'zgartirish haqida o'ylamoqda. Bu haqda Touchline nashri xabar tarqatdi.

Manbaning bergan ma'lumotlariga ko'ra, yulduz to'purar bo'lajak yozda Germaniya grandini tark etishi mumkin. Hujumchi Ispaniya La Ligasida to'p surishni istamoqda. Keyn o'z xizmatlarini Kataloniyaning «Barselona» klubiga taklif qildi. Xarri mavsum yakunida klubdan ketadigan polshalik Robert Levandovskining o'rnini egallashi mumkin.

32 yoshli goleadorning transfer qiymati 65 million evroni tashkil etadi. Ingliz futbolchisining «Bavariya» bilan amaldagi shartnoma muddati 2027 yilning iyun oyi oxirigacha mo'ljallangan.