Xabi Alonso «Chelsi» bosh murabbiyiga aylanmoqda

 17 MAY, 2026, 11:06

«Chelsi» va Xabi Alonso o'zaro hamkorlik borasida kelishuvga erishib bo'ldi. Nufuzli manbalarning xabariga ko'ra, ispaniyalik mutaxassis «ko'klar» bilan 2030 yilgacha mo'ljallangan shartnomani imzolagan va bu haqda yaqin vaqt ichida rasman e'lon qilinadi.

Jurnalist Bobbi Vinsentning ma'lumotlariga ko'ra, «Chelsi» rahbariyati muvaffaqiyatsiz o'tgan joriy mavsumdan to'g'ri xulosa chiqargan. Alonso londonliklar boshliqlarining jamoa darajasi haqidagi fikriga qo'shiladi: tarkib etarlicha yaxshi, biroq yuqori o'rinlar uchun kurashish maqsadida ayrim pozitsiyalarni kuchaytirish talab etiladi. Yozda klub yangi bosh murabbiyning talablariga binoan 3-4 nafar futbolchini transfer qilishi kutilmoqda.

Eslatib o'tamiz, Xabi Alonso shu yilning yanvar oyida Madridning «Real» klubidan iste'foga chiqarilgan edi. U u erda yarim yildan sal ko'proq vaqt davomida faoliyat yuritishga ulgurdi.