«Yuventus» asosiy himoyachisini yozda sotib yuborishga tayyor

 17 MAY, 2026, 10:48

«Yuventus» markaziy himoyachisi Gleyson Bremer — bo'lajak yozgi transfer oynasida sotilishi mumkin bo'lgan nomzodlardan biri bo'lib turibdi.

Braziliyalik futbolchi to'p bilan muomala qilishda bosh murabbiy Luchano Spallettining ayrim talablariga javob bermasligi taxmin qilinmoqda, shuningdek, o'yinchining jismoniy holati ham shubha uyg'otmoqda. Jurnalist Guido Vachyadjoning xabar berishicha, 29 yoshli futbolchining tez orada jamoani tark etish ehtimoli taxminan 50 foizni tashkil etadi. Agar yaxshi taklif tushsa, «keksa sinora» uni sotishni mamnuniyat bilan ma'qullaydi.

Bremerning turinliklar bilan amaldagi shartnomasi 2029 yilgacha mo'ljallangan, uning bozor qiymati esa Transfermarkt ekspertlari tomonidan 35 million evroga baholanmoqda.