“China Cup”. O'zbekiston U-16 Tojikistonni mag'lub etdi

 16 MAY, 2026, 23:36

“China Cup” musobaqasida ishtirok etayotgan O'zbekiston U-16 terma jamoasi navbatdagi uchrashuvda Tojikistonni mag'lub etdi. Ayder Kurbaev boshchiligidagi jamoa murosasiz kechgan bahsda 2:1 hisobida zafar quchib, turnirdagi yurishini muvaffaqiyatli davom ettirdi.

Uchrashuv davomida o'zbekistonlik futbolchilar tashabbusni qo'lga olishga harakat qildi va hujumlarda faol o'yin namoyish etdi. Jamoaning bosimi o'z samarasini berib, Hojiakbar Zulfiqorov hisobni ochishga muvaffaq bo'ldi. Keyinroq Behruz Samatovning goli O'zbekistonning ustunligini mustahkamladi.

Tojikiston terma jamoasi ham qarshi hujumlarda xavfli vaziyatlar yaratdi va bir bor hisobni qisqartirishga erishdi. Shunga qaramay, o'zbekistonlik yoshlar o'yin oxiriga qadar ustunlikni saqlab qolib, g'alabani qo'ldan chiqarmadi.

Shu tariqa, O'zbekiston U-16 terma jamoasi “China Cup” doirasidagi yana bir uchrashuvni g'alaba bilan yakunladi.

“China Cup” musobaqasi
16 may 2026 yil
Tojikiston U-16 — O'zbekiston U-16 1:2
Gollar: Hojiakbar Zulfiqorov, Behruz Samatov.
O'zbekiston U-16: 12. Aziz Berdiev, 2. Shehroj Odilov, 3. Hojiakbar Zulfiqorov, 8. Yahyo Nasrulloev, 10. Ro'zimurod Ro'zimurodov, 11. Kamoliddin Akbaraliev, 15. Diyorbek Uskenboev, 18. Hasan Urolov, 22. Yahyo Baxtiyorov, 23. Behruz Samatov.
Zaxiradan maydonga tushganlar: O'ktamov, Eshboev, Shukurov, Mamatov, Xayrullaev, Qodirxo'jaev.
Bosh murabbiy: Ayder Kurbaev.