Gvardiola: «Hech qanday bayram bo'lmaydi»

 16 MAY, 2026, 23:36

«Manchester Siti» bosh murabbiyi Xosep Gvardiola Angliya Kubogi finalida «Chelsi» ustidan qozonilgan g'alabadan (1:0) keyin o'z fikrlari bilan o'rtoqlashdi.

«Hissiyotlar bosilgandan keyin uyga qaytamiz. Men baxtli insonman. Bu mavsum haqiqatan ham yaxshi o'tdi. O'tgan mavsum esa ko'p sabablarga ko'ra eng og'iri bo'lgandi.

Bu mavsum har bir o'yinda o'zimizni qanday namoyon qilishimiz muhim bo'ldi. Balki barqarorlikka erishish uchun bizga vaqt kerak bo'lgandir.

Hech qanday bayram bo'lmaydi. Bilasizlar, Premer-ligada «Bornmut»ga qarshi o'yin yanada qiyin bo'ladi. U erga borib, yaxshi natija qayd etishga harakat qilamiz», — dedi Gvardiola.