Estevaoga operatsiya kerak emas

 16 MAY, 2026, 14:36

Londonning «Chelsi» klubi hujumkor yarim himoyachisi Estevao Villian jiddiy jarohatdan qutilib qoldi. Bu haqda BBC jurnalistlari xabar bermoqda.

Vingerning jarohatlangan sonida jarrohlik amaliyoti o'tkazishga zarurat yo'q. 19 yoshli braziliyalik futbolchi taxminan bir oy oldin «Manchester Yunayted»ga qarshi o'yinda (0:1) jarohat olgan edi.

Ta'kidlash joizki, ushbu jarohat tufayli Estevao Braziliya terma jamoasining JCh-2026 uchun kengaytirilgan tarkibiga kiritilmagan edi. Angliya Premer-ligasining joriy mavsumida vinger 22 ta uchrashuvda maydonga tushib, o'z hisobiga ikkita gol va ikkita golli uzatmani yozdirib qo'ygan.