Arbeloa: «Agar Mourino «Real»ni boshqarsa, uning uyiga qaytganidan xursand bo'laman»

 16 MAY, 2026, 14:30

Madridning «Real» klubi bosh murabbiyi Alvaro Arbeloa o'z o'rniga Joze Mourino tayinlanishi mumkinligi haqidagi xabarlarga munosabat bildirdi.

«Klub keyingi mavsum uchun murabbiy borasidagi qarorni o'zi lozim topgan vaqtda qabul qiladi. Men uchun «Real»ning sobiq futbolchisi va muxlisi sifatida Mourino — eng zo'ri. Bir oy oldin ham shunday fikrda edim va hozir ham fikrim o'zgarmagan. U bizniki va doimo shunday bo'lib qoladi. Agar u keyingi mavsumda bu erga kelsa, uning uyiga qaytganidan juda xursand bo'laman», — deya Arbeloaning so'zlarini keltiradi The Touchline nashri.

Eslatib o'tamiz, Mourino 2010 yildan 2013 yilgacha «Real»ni boshqargan. Uning qo'l ostida «qaymoqranglilar» Ispaniya chempioni bo'lishgan, shuningdek, mamlakat Kubogi va Superkubogini qo'lga kiritishgan.