Jerrard «Liverpul»ga maslahat berdi

 16 MAY, 2026, 12:06

«Liverpul» klubi sobiq sardori Stiven Jerrardning hisoblashicha, hatto eng og'ir damlarda ham Chempionlar ligasi yo'llanmasini qo'lga kiritish jamoa uchun eng kam (minimum) vazifa bo'lishi kerak. Ayni paytda klubda EChLga borish kafolati yo'q — juma oqshomida «Liverpul» o'zining to'g'ridan-to'g'ri raqobatchisi bo'lmish «Aston Villa»ga imkoniyatni boy berib qo'ydi.

«Chempionlar ligasi — bu «Liverpul» uchun eng kam vazifa. Buni hamma tushunib turibdi. Yozda yaxshi transfer kampaniyasini o'tkazish va keyingi mavsumda o'sishga erishish lozim», — deya Stiven Jerrardning so'zlaridan iqtibos keltirmoqda BBC Sport.

Hozirgi vaqtda «Liverpul» Angliya chempionati (APL) turnir jadvalida beshinchi o'rinni egallab turibdi.