Peres «Real» uchun yangi yulduz tanladi

 16 MAY, 2026, 11:30

Madridning «Real» klubi prezidenti Florentino Peres «Chelsi» yarim himoyachisi Entso Fernandesning shov-shuvli transferini amalga oshirish niyatida. «Qirollik klubi» rahbari argentinalik yulduzning transferini o'zining prezidentlik kampaniyasining muhim qismiga aylantirishni rejalashtirmoqda, deb xabar beradi Transfer News Live jurnalist Latigo Serranoga tayangan holda.

Shuningdek, Peres «ko'klar» xavbekining xarid qilinishini «orzusidagi transfer» deb hisoblashi ta'kidlangan. Entso Fernandesning «Real»ga o'tishi mumkinligi haqidagi xabarlar anchadan beri tarqalib keladi. 25 yoshli futbolchining «Chelsi» bilan amaldagi shartnomasi 2032 yilgacha mo'ljallangan, uning transfer bahosi esa Transfermarkt portali tomonidan 90 million evroga baholanmoqda.