Slot «Liverpul»ning taktik muammolari haqida fikr bildirdi

 15 MAY, 2026, 10:42

«Liverpul» bosh murabbiyi Arne Slot jamoaning joriy mavsumdagi o'yinlarida pand berayotgan muammolar haqida o'z fikri bilan o'rtoqlashdi. «Qizillar»ning o'yin uslubi ko'pincha raqiblarning qarshi hujumlari oldida zaif deb tanqid qilinmoqda.

«Agar biz tez-tez qarshi hujumlarni o'tkazib yuborayotgan bo'lsak, demak, tavakkal qilishdan qo'rqmaymiz va hujumkor futbol o'ynayapmiz, shunday emasmi? Bu bizning niyatimizdan dalolat beradi. Qarshi hujumlarga yaxshiroq qarshilik ko'rsatishimiz mumkinmi? Albatta. Raqiblar u qadar tez-tez qarshi hujumga o'tmoqda deb o'ylamayman, biroq bu sodir bo'lganda, odatda bizning darvozamizga gol bilan yakunlanmoqda. Lekin men bu muammoni tuzatish uchun nima qilish kerakligini juda yaxshi tushunib turibman», — dedi Slot matbuot anjumanida.

Bugun «Liverpul» safarda «Aston Villa»ga qarshi bahs olib boradi. O'yin Toshkent vaqti bilan tungi soat 00:00 da boshlanadi.