Mbappe: «Xabi Alonso haqidagi fikrimni hamma biladi»

 15 MAY, 2026, 09:54

Madridning «Real» klubi hujumchisi Kilian Mbappe avvalgi murabbiy bilan ishlash hozirgisiga qaraganda ko'proq manzur bo'lganiga sha'ma qildi. Eslatib o'tamiz, yanvar oyida iyundan beri «qaymoqranglilar»ni boshqarib kelayotgan Xabi Alonso o'z lavozimidan ozod etilgan edi. Uning o'rnini Alvaro Arbeloa egalladi.

«Alonso bilan munosabatlarimiz a'lo darajada. Uni porloq murabbiylik faoliyati kutmoqda. Xabi haqidagi fikrimni hamma yaxshi biladi. Ammo endi bularning barchasi o'tmishda qoldi», — deya Mbappening so'zlarini keltiradi Ispaniya OAVlari.

Shuningdek, frantsuz futbolchisi Arbeloa uchun unchalik yoqimli bo'lmagan bir nechta fikrlarni ham bildirib o'tdi. Jumladan, u mavsumning ikkinchi yarmida jamoa o'z qiyofasini yo'qotganini va Alonso davrida muvaffaqiyatli qo'llanilgan uslublar izdan chiqqanini ta'kidladi.