«Portu» Levandovskiga jiddiy qiziqish bildirmoqda

 14 MAY, 2026, 13:42

Robert Levandovski faoliyatini Portugaliya chempionatida davom ettirishi mumkin.

Sky Sport jurnalisti Florian Plettenbergning bergan ma'lumotiga ko'ra, «Portu» klubi «Barselona» hujumchisiga aniq qiziqish bildirmoqda. Biroq, hozircha hech qanday kelishuvga erishilmagan.

Qayd etilishicha, polshalik futbolchida ko'plab takliflar bor va kataloniyaliklar bilan amaldagi shartnomani uzaytirish ehtimoli ham hali yo'qqa chiqarilmagan. Uning hozirgi kelishuvi shu mavsum yakunida o'z nihoyasiga etadi.

La Liganing joriy mavsumida 37 yoshli forvard 28 ta o'yinda maydonga tushib, 13 ta gol urdi va 2 ta golli uzatmani amalga oshirdi.