Gallas «Chelsi»dagi inqiroz sababini aytdi

 13 MAY, 2026, 22:42

Londonning «Chelsi» klubi sobiq himoyachisi Vilyam Gallas «ko'klar»ning ayni damdagi muammolari haqida o'z fikrlari bilan o'rtoqlashdi.

Getfootballnews nashriga bergan intervyusida Gallas klub egasining boshqaruv uslubini keskin tanqid ostiga oldi.

«Biz «Chelsi»ning asosiy muammosini bilamiz: klub egasi boshqaruvni yaxshilashi kerak. Muxlislar jamoada sodir bo'layotgan voqealardan norozi. Klub egasi bir necha yil oldin ham boshqaruvni to'g'ri yo'lga qo'ya olmaganini bilardik. Mana, ular qancha murabbiyni almashtirishdi. Katta mablag' sarflashmoqda, ammo natija ko'rinmayapti. Ha, ular klublar o'rtasidagi jahon chempionatida g'olib chiqishdi, lekin bu etarli emas», — deydi Gallas.

Ma'lumot uchun, Angliya Premer-ligasining joriy mavsumida «Chelsi» 36 turdan so'ng 49 ochko jamg'argan holda turnir jadvalida 9-o'rinda bormoqda.