«Barselona» himoyachisi og'ir jarohatdan so'ng maydonga qaytishga tayyor

 13 MAY, 2026, 22:30

«Barselona» himoyachisi Andreas Kristensen La Liganing 36-turidan o'rin olgan «Alaves»ga qarshi uchrashuv uchun jamoa qaydnomasiga kiritildi.

Klub matbuot xizmatining xabar berishicha, 30 yoshli futbolchi tizzasidagi og'ir jarohatdan (xochsimon bog'lamlar uzilishi) so'ng to'liq tiklanishga muvaffaq bo'lgan. Daniyalik himoyachi ushbu jarohat sababli 2025 yilning dekabr oyi oxiridan beri maydonga tusha olmayotgan edi. U 148 kunlik tanaffusdan so'ng yana safga qaytdi.

«Barselona» bugun, 13 may kuni safarda «Alaves» mehmoni bo'ladi. Uchrashuv Toshkent vaqti bilan tungi soat 00:30 da boshlanishi rejalashtirilgan.