«Manchester Yunayted» tarkibni tubdan yangilamoqchi: kamida 5 nafar yangi futbolchi kelishi kutilmoqda

 13 MAY, 2026, 11:00

«Manchester Yunayted» rahbariyati keyingi mavsum oldidan jamoa tarkibini jiddiy tarzda kuchaytirishni rejalashtirmoqda. Bu haqda The Sun nashri xabar tarqatdi.

Manbaning bergan ma'lumotiga ko'ra, «qizil iblislar» safiga kamida besh nafar yangi futbolchi kelib qo'shilishi mumkin. Mankunianliklar uch nafar yarim himoyachi, shuningdek, bir nafar hujumchi va himoyachi sotib olishni maqsad qilgan.

Ayni damda «Manchester Yunayted»ning qiziqishlari doirasida quyidagi futbolchilar bor: Sandro Tonali, Adam Uorton, Aleks Skott, Karlos Baleba va Elliot Anderson.

Ma'lumot uchun, APL yakunlanishiga ikki tur qolganda «Manchester Yunayted» 65 ochko bilan turnir jadvalida uchinchi o'rinni egallab turibdi.