«PSJ» va «Atletiko» Xulian Alvares transferi bo'yicha muzokaralarni boshladi

 12 MAY, 2026, 17:18

«PSJ» o'z tarkibini kuchaytirish ustida ishlamoqda. The Touchline nashrining El Chiringuito TV dasturiga tayanib xabar berishicha, Liga 1 grandi hujumchi Xulian Alvares borasida «Atletiko» bilan allaqachon muzokaralar olib bormoqda.

Qayd etilishicha, Alvaresning transfer summasi 150 million evrodan oshishi mumkin. Avvalroq matbuotda Xulian Alvares nomi «Barselona» bilan faol bog'lanayotgan edi. Biroq, Kataloniya klubi moliyaviy qiyinchiliklarga duch kelayotgani «PSJ»ga qo'l kelishi mumkin.

Joriy mavsumda Alvares 49 ta rasmiy o'yinda maydonga tushib, o'z hisobiga 20 ta gol va 9 ta golli uzatmani yozdirib qo'ydi. Xulianning «Atletiko» bilan amaldagi shartnomasi 2030 yilning o'rtalariga qadar mo'ljallangan.