«Atalanta» Ederson uchun rasmiy taklif kutmoqda

 12 MAY, 2026, 13:42

«Atalanta» bosh direktori Luka Perkassi jamoa yarim himoyachisi Ederson Lourensoning ehtimoliy ketishi haqida fikr bildirdi. Avvalroq, «Manchester Yunayted» 26 yoshli braziliyalik futbolchining transferini yaqin kunlarda yakunlashi mumkinligi haqida xabarlar tarqalgan edi. Shuningdek, o'yinchiga «Arsenal», «Atletiko» va boshqa klublar ham qiziqish bildirmoqda.

«Hozircha Ederson bo'yicha birorta ham rasmiy taklif olganimiz yo'q. Ko'plab klublar qiziqish bildirishmoqda, ammo hozircha nimadir deyishga hali erta», — dedi funktsioner Sky Sport nashriga.

Joriy mavsumda Ederson barcha turnirlarni hisobga olganda 40 ta o'yinda ishtirok etib, o'z hisobiga uchta gol va ikkita golli uzatmani yozdirib qo'ydi.