Xabi Alonso «Chelsi» boshqaruviga asosiy nomzod: London klubi unga keng vakolatlar va'da qilmoqda

 11 MAY, 2026, 19:06

Xabi Alonso «Chelsi» bosh murabbiyligiga asosiy favorit bo'lib turibdi. Bu haqda iPaper nashri o'z sahifalarida ma'lum qildi. Qayd etilishicha, Alonso nomzodini London klubi rahbariyatidagi katta bir guruh qo'llab-quvvatlamoqda.

«Chelsi» ispaniyalik mutaxassisga transferlar va tarkibni shakllantirish kabi muhim masalalarda keng vakolatlar berishga tayyor. Xabi Alonso yanvar oyi o'rtalarida «Real»dan iste'foga chiqarilganidan beri klubsiz yuribdi.

«Chelsi» esa yaqindagina bor-yo'g'i bir necha oy ishlagan Liam Rosenor bilan xayrlashgan edi. Ayni damda «ko'klar» Premer-liga turnir jadvalida to'qqizinchi o'rinni egallab turishibdi.