«Tottenxem» va van de Ven o'rtasidagi muzokaralar kechikmoqda

 11 MAY, 2026, 17:30

«Tottenxem» rahbariyati jamoa himoyachisi Mikki van de Ven bilan shartnomani uzaytirish ustida ishlamoqda. Bu haqda jurnalist Ekrem Konur xabar berdi.

Manbaning ma'lumotiga ko'ra, «shporlar» Evropa klublari tomonidan qiziqish ortib borayotgan niderlandiyalik futbolchini yo'qotishni istamayapti. Shu sababli, London klubi amaldagi kelishuv 2029 yilgacha mo'ljallanganiga qaramay, u bilan yangi shartnoma imzolash niyatida.

Qayd etilishicha, van de Venning o'zi qaror qabul qilishga shoshilmayapti. U mavsum yakunini kutish va «Tottenxem» Premer-ligada qolish-qolmasligini ko'rmoqchi. 35-turdan so'ng Roberto De Dzerbi shogirdlari 37 ochko bilan turnir jadvalida 17-o'rinni egallab turibdi.