«Bavariya» muhim futbolchisi bilan shartnomani uzaytiradi

 11 MAY, 2026, 11:36

«Bavariya»ning o'ng qanot himoyachisi Konrad Laymer klub bilan yangi shartnoma imzolashi mumkin. Avstriyalik futbolchining amaldagi kelishuvi bir yildan so'ng o'z nihoyasiga etadi.

Avvalroq xabar berilganidek, Myunxen grandi rahbariyatini o'yinchining ish haqi bo'yicha talablari qoniqtirmayotgan edi, shu sababli uning sotib yuborilishi ehtimoliy stsenariy sifatida ko'rilayotgandi. Ko'rinishidan, muammoni hal qilishga erishilgan: jurnalist Nikolo Skiraning ma'lumotlariga ko'ra, 28 yoshli futbolchi shartnomasini 2029 yilgacha uzaytirishga yaqin turibdi. Kelishuvda shartnomani yana bir yilga uzaytirish imkoniyati ham ko'zda tutilgan.

Joriy mavsumda Konrad Laymer Vensan Kompani jamoasi safida barcha musobaqalarda 45 ta o'yinda maydonga tushib, 3 ta gol va 13 ta golli uzatmaga mualliflik qildi.