Mbappe haligacha «Real» bilan birorta katta sovrin yutmadi

 11 MAY, 2026, 02:42

«Real» hujumchisi Kilian Mbappe «qirollik klubi»dagi ikki mavsumi davomida na La Ligada, na Chempionlar Ligasida, na Ispaniya Kubogi yoki Superkubogida zafar qucha oldi.

Hujumchi jarohati sababli «Barselona»ga qarshi kechgan bahs (0:2) qaydnomasiga kiritilmadi. Kataloniyaliklar aynan ushbu g'alabadan so'ng chempionlikni rasmiylashtirishdi.

Joriy mavsumda «Real» Chempionlar Ligasining 1/4 finalida «Bavariya»ga ikki o'yin natijasiga ko'ra 4:6 hisobida imkoniyatni boy berib, musobaqani tark etdi.

Ispaniya Kubogining 1/8 finalida «qaymoqranglilar» «Albasete»ga (2:3), Ispaniya Superkubogida esa «Barselona»ga (2:3) mag'lub bo'lishdi.

O'tgan mavsumda Mbappe «Real» tarkibida UEFA Superkubogi va Qit'alararo kubokda g'olib chiqqan edi.