APL. «Arsenal» derbida «Vest Xem»ni engib, peshqadamlikni mustahkamladi

 10 MAY, 2026, 22:42

Angliya Premer-ligasi 36-turida «Arsenal» London derbisida «Vest Xem»ni minimal hisobda engdi, - 1:0.

Yagona gol 83-daqiqada Leonardo Trossard hisobiga yozildi. 90+5-daqiqada mezbonlar futbolchisi Kallum Uilsonning goli esa VAR aralashuvi sabab bekor qilindi.

Ushbu o'yindan keyin "Vest Xem" 36 ochko bilan APL turnir jadvalida 18-o'rinda, "Arsenal" esa 79 ochko bilan birinchi o'rinda bormoqda.

Keyingi turda “bolg'achilar” 17 may kuni mehmonda “Nyukasl” bilan to'qnash kelishsa, “kanonirlar” 18 may kuni “Byornli”ni qabul qiladi.

APL. 36-tur
Vest Xem — Arsenal 0:1
Gol: Trossard 83.