Slot «Enfild»dagi hushtaklar sababini ma'lum qildi

 10 MAY, 2026, 08:42

Kecha, 9 may kuni Angliya Premer-ligasining 36-turi doirasida «Liverpul» o'z maydonida «Chelsi»ni qabul qildi. Uchrashuv 1:1 hisobidagi durang bilan yakunlandi.

O'yindan so'ng «Enfild» stadioniga tashrif buyurgan muxlislar jamoa manziliga hushtaklar chalib, o'z noroziliklarini bildirishdi. «Mersisaydliklar» bosh murabbiyi Arne Slotning fikricha, bu holat qayd etilgan natija bilan bevosita bog'liq.

«Bu katta ehtimol bilan g'alaba qozona olmaganimiz bilan bog'liq. Agar «Liverpul» zafar quchmasa, odamlarning hafsalasi pir bo'lishi mutlaqo mantiqiy hol», — deya mutaxassisning so'zlarini keltirmoqda BBC.