Mourino «Real» futbolchilari bilan aloqaga chiqdi

 10 MAY, 2026, 05:42

Ayni damda Portugaliyaning «Benfika» klubini boshqarayotgan Joze Mourino Madridning «Real» klubiga qaytishi mumkin. Bu haqda jurnalist Migel Serrano xabar bermoqda.

Manbaning ta'kidlashicha, tajribali mutaxassis yaqinda «qaymoqranglilar»ning uch nafar amaldagi futbolchisi bilan bevosita aloqaga chiqqan. Garchi futbolchilarning ism-sharifi oshkor qilinmagan bo'lsa-da, ular orasida ispaniyalik o'yinchilar, shuningdek, yaqindagina mushtlashuv mashmashasiga aralashib qolgan Federiko Valverde va Orelen Tchuameni yo'qligi aytilmoqda.

Eslatib o'tamiz, Joze Mourino 2010 yildan 2013 yilgacha «Real» bosh murabbiyi sifatida faoliyat yuritgan. Hozirda jamoani Alvaro Arbeloa boshqarmoqda. Katta ehtimol bilan, Arbeloa joriy mavsum yakunida o'z lavozimini tark etadi.