Xoland «Brentford»ga qarshi o'yinda mavsumdagi yubiley golini urdi

 9 MAY, 2026, 23:30

«Manchester Siti» hujumchisi Erling Xoland Angliya Premer-ligasining 36-turi doirasida kechgan «Brentford»ga qarshi bahsda o'z faoliyatidagi navbatdagi muhim marrani zabt etdi.

Uchrashuvning 75-daqiqasida norvegiyalik to'purar raqib darvozasini tovoni bilan ishg'ol etib, nafaqat chiroyli gol muallifiga aylandi, balki mavsumdagi gollari sonini ham oshirib oldi.

Bu gol Holand uchun joriy mavsumda klub va terma jamoa safida urilgan jami 50-gol bo'ldi. Ushbu natijaga erishish uchun hujumchiga 57 ta o'yin kifoya qildi. Hozirda Xoland APL to'purarlar poygasida yakka peshqadamlik qilmoqda.