Javohir Ummataliev professional boksdagi ikkinchi jangini o'tkazdi
9 MAY, 2026, 22:32
Manchester shahridagi Co-Op Live Arena majmuasida professional boks oqshomi bo'lib o'tmoqda.Musobaqada o'zbekistonlik charm qo'lqop ustasi, havaskor boksda amaldagi jahon chempioni Javohir Ummataliev Polsha vakili Damian Drabikka qarshi ringga ko'tarildi.
Yarim og'ir vazn toifasidagi 6 raundlik bellashuv ikkinchi raundda o'z nihoyasiga etdi. Jangda Javohir raqibini nokaut orqali taslim etdi.
Bu Ummatalievning prof boksdagi ikkinchi jangi edi. U o'zining ilk bahsida ham raqibidan ustun kelgandi.
Manba: olamsport.com
