Eldor Shomurodov Turkiya chempionatida navbatdagi golini urdi (+Video)

 9 MAY, 2026, 22:30

Turkiya Superligasining 33-turi doirasida kechayotgan "Samsunspor"ga qarshi bahsda "Istanbul Bashakshehir" hujumchisi Eldor Shomurodov o'z hisobiga gol yozdirib qo'ydi.

O'zbekiston milliy terma jamoasi sardori o'yinning 6-daqiqasida belgilangan penaltini aniq amalga oshirib, jamoasini hisobda oldinga olib chiqdi. Shu tariqa, Shomurodovning joriy chempionatdagi gollari soni 21 taga etdi.

Hamyurtimiz ayni paytda to'purarlar poygasida etakchilik uchun kurashni davom ettirmoqda. Hozirda u 22 ta gol bilan ro'yxatda yuqori pog'onada borayotgan Pol Onuachuni ta'qib qilmoqda.