Dzyudochilarimiz Ostona “Katta Dubulg'a” turnirini oltin va bronza medallari bilan boshlashdi

 9 MAY, 2026, 19:00

Qozog'iston poytaxti Ostona shahrida dzyudo bo'yicha “Katta Dubulg'a” turkumiga kiruvchi turnir boshlandi.

Musobaqaning ilk kunida O'zbekiston terma jamoasi 1 tadan oltin va bronza medaliga sazovor bo'ldi.

Har ikki medalni -66 kg vazn toifasida ishtirok etgan sportchilarimiz keltirishdi. Barcha raqiblaridan ustun ekanini ko'rsatgan Abdurahim Nutfulloev finalda rossiyalik Saigad Kerimovni mag'lub etib, oltin medalga ega chiqdi.

SHuningdek, bronza medali uchun kurashda Anvarjon Ibrohimov qozog'istonlik Nurkanat Serikbaevdan ustun keldi va shohsupadan joy oldi.

Manba: olamsport.com