«Tottenxem» Palinya bo'yicha o'z pozitsiyasini o'zgartirdi

 8 MAY, 2026, 15:36

Portugaliyalik yarim himoyachi Joau Palinya «Bavariya»dan «Tottenxem»ga doimiy asosda o'tishi mumkin. Bu haqda Daily Mail Sport nashri xabar bermoqda.

Manba bergan ma'lumotlarga ko'ra, «shporlar»ning yangi bosh murabbiyi Roberto De Dzerbi 30 yoshli xavbekni jamoada olib qolmoqchi. Ingliz klubida futbolchini 31 million evroga sotib olish huquqi mavjud. Tomas Frank va Igor Tudor davrida Palinya «Bavariya»ga qaytarib yuboriladigandek tuyulgan edi, biroq De Dzerbi kelishi bilan vaziyat o'zgardi.

Eslatib o'tamiz, «Tottenxem» Palinyani o'tgan yozda «Bavariya»dan ijaraga olgan edi. Yarim himoyachi «shporlar» tarkibida barcha turnirlarda jami 42 ta o'yinda maydonga tushib, 6 ta gol urdi va 3 ta golli uzatmani amalga oshirdi.