Rafinya «el-klasiko»da o'ynashga umid qilmoqda

 8 MAY, 2026, 12:00

«Barselona» hujumchisi Rafinya Dias o'z holati haqida fikr bildirdi.

«Men bir haftadan ortiq vaqtdan beri jamoa bilan mashg'ulot o'tkazyapman. To'liq mashg'ulotlarda qatnasha olyapman, shuning uchun «Real»ga qarshi o'yinda bir necha daqiqa bo'lsa ham maydonda harakat qilishdan umidvorman. Albatta, butun o'yin davomida o'ynashni istardim, lekin o'z imkoniyatlarimni to'g'ri baholashim kerak», — deya Rafinyaning so'zlarini Barça Universal keltirmoqda.

Joriy mavsumda Rafinya barcha musobaqalarni hisobga olgan holda 31 ta o'yinda ishtirok etib, 19 ta gol urdi va 8 ta golli uzatmani amalga oshirdi.

Ispaniya La Ligasi 35-turi doirasidagi «Barselona» va «Real» o'rtasidagi uchrashuv yakshanba, 10 may kuni bo'lib o'tadi.