Van Basten: «A Seriya klublariga chet elliklar egalik qilayotgani — sharmandalik»

 7 MAY, 2026, 16:30

«Milan» klubi sobiq hujumchisi Marko van Basten Italiya futbolining hozirgi holati haqida tanqidiy fikr bildirdi.

«Hozirgi vaqtda A seriyada klublar tarixiga hech qanday aloqasi bo'lmagan va bunga qiziqmaydigan ko'plab chet ellik xo'jayinlar bor.

Bu — sharmandalik. Italiya futboli yana Evropa cho'qqisiga qaytishi uchun uni italiyaliklar qo'liga qaytarish muhim.

«Milan» bunga yaqqol misol. Ular endi avvalgidek emas. Men ularni tez-tez kuzatib boraman va yaqin orada yaxshiroq holatga qaytishlariga umid qilaman, chunki hozirda «Inter» hukmronlik qilmoqda va bu menga umuman yoqmayapti», — dedi van Basten SportMediaset nashriga bergan intervyusida.