«Barselona» Gordon transferi haqida bosh qotirmoqda

 7 MAY, 2026, 16:12

«Nyukasl» yarim himoyachisi Entoni Gordon «Barselona»ning transfer ro'yxatidan joy oldi. Diario SPORT nashrining xabariga ko'ra, Kataloniya klubi skautlari ingliz futbolchisi haqida ijobiy xulosalar berishgan. Klub allaqachon uning agentlari bilan aloqa o'rnatgan bo'lsa-da, bu transferni amalga oshirish ancha murakkab deb hisoblanmoqda.

«Nyukasl» o'z futbolchisini 90 million evroga baholamoqda. Shuningdek, futbolchini «Bavariya», «Liverpul», «Manchester Yunayted» va «Arsenal» klublari ham kuzatib bormoqda.

«Barselona» Gordonni hujumning chap qanoti uchun asosiy nomzod sifatida ko'rmoqda. Biroq, har qanday yirik moliyaviy sarf-xarajat jamoaning markaziy hujumchi borasidagi tanloviga bog'liq bo'lib turibdi.