Dembelening «Bavariya» darvozasiga urgan goli EChL yarim finalida urilgan eng tezkor gollar qatoriga kirdi

 7 MAY, 2026, 03:36

Frantsiyaning «PSJ» klubi hujumchisi Usmon Dembele Chempionlar ligasi yarim finallari tarixidagi eng tezkor gollardan biriga mualliflik qildi.

Bu voqea «Bavariya»ga qarshi kechgan javob uchrashuvida yuz berdi. Hujumchi o'yinning 2-daqiqasi 19-soniyasidayoq raqib darvozasini ishg'ol qilib, musobaqaning ushbu bosqichidagi tezkorlik bo'yicha uchinchi natijani qayd etdi.

Yarim finallarda faqat ikki futbolchi undan tezroq gol urishga muvaffaq bo'lgan: o'tgan mavsumda «Barselona»ga qarshi o'yinda «Inter» a'zosi Markus Tyuram (30-soniyada) hamda 2021/22 yilgi mavsumda «Real»ga qarshi bahsda «Manchester Siti» yarim himoyachisi Kevin de Bryoyne (1 daqiqayu 34-soniyada).