Arauxo «el-klasiko» oldidan «Barsa»ning rejalarini ochiqladi

 7 MAY, 2026, 03:12

«Barselona» markaziy himoyachisi Ronald Arauxo madridning «Real» klubiga qarshi bo'lib o'tadigan o'yin haqida o'z fikrlarini bildirdi. Uchrashuv yakshanba kuni «Kamp Nou» stadionida bo'lib o'tadi.

Kataloniyaliklarga mavsum yakunlanishiga uch tur qolganda La Liga chempionligini naqd qilish uchun mag'lubiyatga uchramaslikning o'zi kifoya.

«Biz xotirjamlikni saqlagan holda «Real» bilan o'yinda g'alaba qozonishni istaymiz va har kuni ushbu bahsga tayyorgarlik ko'ryapmiz. To'g'ri, bizni durang ham qanoatlantiradi, lekin oldimizga qo'ygan maqsadimiz bor — biz La Ligada 100 ochko jamg'armoqchimiz», — deya Arauxoning so'zlarini keltirmoqda «Barca Universal».