Virts «Liverpul»ning umumiy mashg'ulotlarida qatnashmadi

 6 MAY, 2026, 19:24

Hujumkor yarim himoyachi Florian Virts chorshanba kuni «Liverpul»ning umumiy guruh mashg'ulotlarida ishtirok etmadi. Bu haqda Sky Sports News nashriga tayanib The Touchline xabar bermoqda.

Eslatib o'tamiz, «Manchester Yunayted»ga qarshi kechgan so'nggi o'yinda (2:3) Virts maydonda to'liq 90 daqiqa harakat qilgan edi.

«Liverpul» navbatdagi uchrashuvini shanba kuni, 9 may kuni o'z maydonida «Chelsi»ga qarshi o'tkazadi. O'yin Toshkent vaqti bilan 16:30 da boshlanishi rejalashtirilgan.

Ma'lumot uchun, Florian Virts «Liverpul» safida jami 47 ta o'yinda maydonga tushib, o'z hisobiga 7 ta gol va 10 ta golli uzatmani yozdirib qo'ygan.