«PSJ» hujumchisi «Barselona»ga o'tishi mumkin

 6 MAY, 2026, 11:00

Portugaliyalik hujumchi Gonsalu Ramush yozgi transfer oynasida Frantsiyaning «PSJ» klubini tark etishi mumkin. Bu haqda Teamtalk jurnalistlari xabar bermoqda.

Manbaning ma'lumotiga ko'ra, 24 yoshli hujumchining transferiga Kataloniyaning «Barselona» klubi qiziqish bildirmoqda. Ramushning o'zi Parij grandida barqaror o'yin amaliyotiga ega bo'lmayotgani sababli o'z holatidan norozi.

Gonsaluning «PSJ» bilan amaldagi shartnomasi 2028 yilning iyun oyida yakuniga etadi. Uning bozor qiymati 35 million evroni tashkil etadi. Joriy mavsumda portugaliyalik futbolchi parijliklar safida 41 ta uchrashuvda maydonga tushib, 12 ta gol va 2 ta golli uzatmani o'z hisobiga yozdirib qo'ydi.